УДМУРТ КЫЛ

Сьӧдзэ уд кары ни тӧдьы,
Мылкыдтэмзэ уг кары мыл.
Кулэм мурт вӧзын кылле вал
Ошкыса кулэм удмурт кыл.
Мӧля вылаз – азвесь кирос,
Шаровараз – Адидас гожтэмын,
Пеляз – котырес ыгыос,
Нош пыдъёсыз – тӧдьы катаосын.
Картуз вылаз – китай иероглифъёс,
Ымдуръёсаз – япошка пальпотэ.
Нош берпалаз, трубка лэсьтыса,
Кагаз гожтэт со бышкалтэм.
«Вот тазьы кошкисько мон, – шуэм, –
Грешно но, смешно но, ятэ –
Берпум удмуртты кулытозь,
Монэ тӥ шае эн ватэ,
Мед кыллём лыдыса, сисьмыса,
Мед луо мон зынмем композитор!»
Нош быдэс дуннее горыса,
Солэн «Nokia» телефонысьтыз
Чузъяське вал «Кампарсито».